ಶುಕ್ರವಾರ, ಡಿಸೆಂಬರ್ 20, 2013

ಪಾಪ!


****
ಪಾಪ !
ಆ ಸೂರ್ಯನೂ
ಕಲ್ಪಿಸಿರಲ್ಲಿಕ್ಕಿಲ್ಲ
ಕ್ಷುಲ್ಲಕ ಮೋಡವೂ
ಕೂಡ ತನ್ನ ಕಾಂತಿಯ
ತಡೆಯುವುದೆಂದು,
ಇಲ್ಲದಿರೆ,
ಎತ್ತರಕ್ಕೇರುವ ಬದಲು
ತಗ್ಗಿನಲ್ಲೇ ತಗ್ಗಿ ಬಗ್ಗಿ
ನಡೆಯುತಿರ್ದ .

:ಸಂತೋಷ ನಾಯಕ್ ಎಸ್.

ಶರಣು




*****
ಸಾಸಿರ ಕಶೇದ
ಗಂಡನ ಗೊಡ್ಡು ಮೀಸೆಗೆ
ಅಂಜದ ಮಹಾಸತಿಯ
ಹೆದರಿಸಿದ ದ್ವಿಕೇಶಿ
ಮೀಸೆಯ ಜಿರಳೆಯ
ರಗಳೆಗೆ ಸಾವಿರ (ದ ) ಶರಣು !
:ಸಂತೋಷ ನಾಯಕ್ ಎಸ್.




ಶುಕ್ರವಾರ, ಡಿಸೆಂಬರ್ 6, 2013

ಹದಿಹರೆಯ



********
ಹದಿಹರೆಯವೆ೦ಬುವುದು
ಪಾದರಸದ೦ತೆ ಚ೦ಚಲ,
ಕಣ್ಮು೦ದೆ ಬೆ೦ಕಿಯಲಿ
ಸುಡುವ ಭ್ರಮರವ ಕಾಣುತಿರೆ,
ಬೆ೦ಕಿಯ ಬಿಗಿದಪ್ಪುವ ಚಪಲ.    


:ಸಂತೋಷ ನಾಯಕ್ ಎಸ್.

ಚಿತ್ರಮೂಲ: ಅಂತರ್ಜಾಲ

ಗುರುವಾರ, ಡಿಸೆಂಬರ್ 5, 2013

ವಿರಹ

ವಿರಹ
******
ವಿರಹ ಗೀತೆ ಬರೆಯಲೆಂದು
ಕಲಾಮು ಎತ್ತಿದೆ
ಮನದಿ ವಿರಹ ವಿದ್ದರೇನು?
ಹೃದಯ ತುಂಬಾ ಇಹುದುಪ್ರೀತಿ
ವಿರಹ ಗೀತೆ ಬರೆಯಲಾರೆ
ಎಂದು ಕಲಾಮು ಸಲಾಮು
ಹೊಡೆಯಿತು!

:ಸಂತೋಷ ನಾಯಕ್ ಎಸ್.

ಶನಿವಾರ, ನವೆಂಬರ್ 30, 2013

ಬೆಪ್ಪು-ತಕ್ಕಡಿ


************
ಜೇವನವೊ೦ದು ತಕ್ಕಡಿ
ಎಂದವನು ಬೆಪ್ಪು-ತಕ್ಕಡಿ!
ತಕ್ಕಡಿಯಲಿ ಸಮಾನ
ತೂಗುವುವು ಎರಡೂ
ತಟ್ಟೆಗಳು,
ಜೀವನದಿ ಸಮ ತೂಗುವವೇ
ಕಷ್ಟ ಸುಖಗಳು??


:ಸಂತೋಷ ನಾಯಕ್ ಎಸ್.

ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ನವೆಂಬರ್ 29, 2013

ತಲೆ-ಅಂತರ

ತಲೆ-ಅಂತರ
***********
ಆಫೀಸ್ನಾಗ ಅಪ್ಪ
ಬರಿತಾನ
ಕ್ಯಾಶ್ ಬುಕ್ಕು
ಮನಿಯಾಗ ಮಗ
ನೋಡ್ತಾನ ಫೇಸ್ಬುಕ್ಕು

ಅಪ್ಪ ಸದಾ ಬಯಸೋದು
ಸ್ಯಾಲರಿ ಹೈಕು
ಮಗ ಫೇಸ್ಬುಕ್ನಾಗ
ಓತ್ತೋದು ಬರೇ ಲೈಕು

ಕಾಸಿರದೆ ಬಳಿದಿಲ್ಲ
ಗೋಡೆಗೆ ಸೀಮೆಂಟು
ಮಗ ಗೋಡೆ ಮೇಲೆ
ಬರಿತಾನ ಬಿಡುವಿಲ್ಲದೆ
ಕಾಮೆಂಟು

ತಿಂಗಳ ಕೊನೆಯಲ್ಲಿ
ಅಪ್ಪನ ಕಿಸೆ ಡ್ಯಾಮೇಜು
ನಿಂತಿಲ್ಲ ಮಗನ
ಬಿಡುವಿಲ್ಲದ ಮೆಸೇಜು

ದುಡಿದು ದಣಿದು
ಅಪ್ಪ ಕ್ಲೀನ್ ಔಟು
ಇಷ್ಟಾದರೂ ಮಗ
ಮಾಡುತ್ತಿಲ್ಲ ಲಾಗ್ಔಟು.


:ಸಂತೋಷ ನಾಯಕ್ ಎಸ್.

ಚಿತ್ರಮೂಲ: ಅಂತರ್ಜಾಲ

ನಿದ್ದೆ

ನಿದ್ದೆ
ನಿದ್ದೆ
****
ಬಾಳದಾರಿಯಲಿ
ಅಂದು ಬಿದ್ದೆ
ಇಂದು ಎದ್ದೆ
ಪಥವ ನೆನೆದು
ಕೊರಗುತ್ತಿದ್ದೆ.
ಎಲ್ಲ ಕೊರಗನು
ಕ್ಷಣದಿ ಮರೆಸಿತು
ಸಣ್ಣ ನಿದ್ದೆ!

:ಸಂತೋಷ ನಾಯಕ್ ಎಸ್.

ಗುರುವಾರ, ನವೆಂಬರ್ 28, 2013

ರಾಶಿ
ರಾಶಿ
******
ಉಚ್ಛ ಕುಲಜಾತನೂ
ಜಾತಿಗಪವಾದ
ಕಾರಣ
ಮೀನ-ರಾಶಿ!

:ಸಂತೋಷ ನಾಯಕ್ ಎಸ್.

ಶನಿವಾರ, ನವೆಂಬರ್ 23, 2013

ಜಾತ್ಯತೀತ

**********
ನಮ್ಮ ಜಾತ್ಯತೀತ
ಸರಕಾರ ಮಾಡಹೊರಟಿದೆ
ಜಾತಿ-ವಾರು ಜನ ಗಣನೆ.
ನ೦ತರ,
ಆ ಜಾತಿಗೆ ಹೊನ್ನ ಮಣೆ
ಈ ಜಾತಿಗೆ ಮಣ್ಣ  ಮಣೆ
ಹತ್ತು ಹಲವು
ಜಾತಿವಾರು ಯೋಜನೆ!
ಒಡೆದು ಆಳ್ವ ನೀತಿಗೆ
ಕಾಣಲು೦ಟೆ ಜಗದಿ ಕೊನೆ?

- ಸ೦ತೋಷ ನಾಯಕ್. ಎಸ್
ಚಿತ್ರಮೂಲ: ಅಂತರ್ಜಾಲ


ಮೀನ ಹಾ(ಪಾ)ಡು ! (ಮೀನಿನೊಂದಿಗೆ ಮಗುವಾದಾಗ...)

**************
ಮೇವನ್ನೊ೦ದ ಎಸೆದರು
ಎಸೆದು ನನ್ನ ಹಿಡಿದರು
ಹಿಡಿದು ನನ್ನ ಕೊಂದರು.

ಸ್ಥಳದ ಹೆಸರು ಬಂದರು
ಅಲ್ಲಿಗೆ ನನ್ನ ಒಯ್ದರು
ನೋಡ ಜನ ಬಂದರು
ಏಲಂ ಏಲಂ ಎಂದರು

ಮನೆಗೆ ಹೊತ್ತು ತಂದರು
ನನ್ನ ಕಡಿದು ಕೊಯ್ದರು
ಗಡಿಗೆಯೊಳಗೆ ಇತ್ತರು
ಉಪ್ಪು ಖಾರ ಎಸೆದರು
ಒಲೆಯ ಶಾಖ ಕೊಟ್ಟರು
ಎಲ್ಲ ಸೇರಿ ತಿಂದರು .

- ಸ೦ತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಬಿಸಿ-ಊಟ

ಬಿಸಿ-ಊಟ
***********
ಬಿಸಿಯೂಟದಲಿ
ಕರ್ನಾಟಕಕ್ಕೆ ಮೊದಲ
ಸ್ಥಾನವಂತೆ
ನಮ್ಮ ಮಂತ್ರಿಗಳೇ
ಹೀಗೆ ತಿನಿಸಿ ಗಳಿಸುವುದರಲ್ಲಿ
ಸದಾ ಮುಂದೆ, ಊಟಕ್ಕಿಲ್ಲದ
ಉಪ್ಪಿನಕಾಯಿಯಂತೆ.

- ಸ೦ತೋಷ ನಾಯಕ್. ಎಸ್



ದೇವರ ಹನಿ

ಅಣ್ಣಾವ್ರಿಗೆ ಅಭಿಮಾನಿಗಳೇ ದೇವರು
ಸಚಿನ್  ಅಭಿಮಾನಿಗಳಿಗೇ ದೇವರು
ದ್ವಂದ್ವಗೊಳಗಾಗಿ ನೋಡದಿರು
ಎದಿರು ಬದಿರು
ಕಾಣ್ವ ಕಣ್ಗಳಲಿ ಶ್ರದ್ದೆಇರೆ
ಎಲ್ಲೆಲ್ಲೂ ಇಹನು ದೇವರು.

- ಸ೦ತೋಷ ನಾಯಕ್. ಎಸ್
ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ನವೆಂಬರ್ 15, 2013

*ಅಂತರ*



ಪರದೆ ಮೇಲೆ ಬಟ್ಟೆ
ಬಿಚ್ಚಿದರೆ ನಟಿ
ಗೋಡೆಗಳ ನಡುವೆ
ಬಿಚ್ಚಿದರೆ ವೇಶ್ಯೆ.
ನಟಿಗೆ ಸಮ್ಮಾನ
ವೆಶ್ಯೇಗವಮಾನ.

ಬಿದ್ದವರ ಒದ್ದು
ಇದ್ದವರ ಅಂತಸ್ತಿಗೆ
ಅಂತರದ ಏಣಿ
ಇಡುವ ಕುರುಡು
ಸಮಾಜವೆ ಹೀಗೆ.  
  
- ಸ೦ತೋಷ ನಾಯಕ್. ಎಸ್
ಚಿತ್ರಮೂಲ: ಅಂತರ್ಜಾಲ

*ರೂಢಿ*


*ರೂಢಿ*
**********

ತುಂಡುಡುಗೆ ನಟಿಗೆ
ಮೈ ತು೦ಬಾ ಶಾಲು
ಹೊದೆಸಿ ಹೂ ಹಾರದ
ಸಮ್ಮಾನ,
ತಾನಿರುವ ರೂಢಿಗೆ
ಇದೊಂದು ಇದೊಂದು
ಅಪಮಾನ ಅಂದಿತು
ನಟಿಯ ಮನ.

- ಸ೦ತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

*ಕನ್ನಡ ಶಾಲೆ*



***********
ಅ ಆ ಕಲಿಸಿದ ಕನ್ನಡ ಶಾಲೆ
ಕನ್ನಡಬ್ಬೆಯ ಕೊರಳಿನ ಮಾಲೆ
ಆಂಗ್ಲ ಮೋಹದ ಕಾಮಾಲೆ
ಕಣ್ಣಿಗೇನು ಗೊತ್ತು    
ಕನ್ನಡ  ಮಾಲೆಯ ಕಸ್ತೂರಿ ಲೀಲೆ?
 ಕನ್ನಡ ಶಾಲೆಯ ಮುಚ್ಚುವುದು
ಹೆತ್ತಬ್ಬೆಯ ಕಣ್ಣ ಚುಚ್ಚಿದ೦ತೆ – ಸಣ್ಣಣ್ಣ.

- ಸ೦ತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ಅಕ್ಟೋಬರ್ 25, 2013

*ಮಿಂಚು*


********
ನಿನ್ನ ಕಣ್ಗಳ ಕಾಂತಿಯ
ಏನೆಂದು ಬಣ್ಣಿಸಲಿ ನಲ್ಲೆ!?
ಅದರ ಕಾಂತಿಯ ಹೊಳಪು
ನೀ ತವರಿಗೆ ಹೋದ
ತಿಂಗಳ ‘ಕರೆಂಟ್ ಬಿಲ್’’
ಕಂಡಾಗಲೇ ಅರಿವಾಯಿತು ...
 - ಸ೦ತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಮಂಗಳವಾರ, ಅಕ್ಟೋಬರ್ 15, 2013

ಪ್ರಶ್ನೆ


ಪ್ರಶ್ನೆ
****
ತನ್ನಲ್ಲದ ಲೇಖನಿಯಿಂದ
ತನ್ನ ಭಾವವ ಬರೆಯಲಾರೆ
ಎನುವ ಕವಿಗೆ
ಅಹಂ ಎನ್ವಿರೆ? ನೀವು
ಸ್ವಾಭಿಮಾನಿ ಎನ್ವಿರೆ??
- ಸಂತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ಆಗಸ್ಟ್ 30, 2013

ಪಯಣ


ಪಯಣ
*******
ಅಪರಿಚಿತರು
ಪರಿಚಿತರಾಗುವಷ್ಟರಲ್ಲಿ
ನೆನಪುಗಳ ಬುತ್ತಿಕಟ್ಟಿ
ಮು೦ದೆ ಸಾಗಿತು
ಬಾಳ ಪಯಣ.
ಬಾಳ ದಾರಿಯಲಿ
ಈಗ ಅನುದಿನವು
ನೆನಪುಗಳ ಮೆಲುಕು
ಮತ್ತೆ ಬುತ್ತಿಯಲಿ
ನವೀನ ಸ೦ಗ್ರಹ.
- ಸಂತೋಷ ನಾಯಕ್. ಎಸ್


ಶುಕ್ರವಾರ, ಆಗಸ್ಟ್ 23, 2013

ಭಾವನೆ

********
ಹೇಳಲಾರದ
ಭಾವನೆಗಳೇ ಹಾಗೆ,
ಅಪ್ರಕಟಿತ ಕವನಗಳಂತೆ
ಹೃದಯದಲ್ಲೇ ಅಚ್ಚಾಗಿರುತ್ತವೆ.

  - ಸಂತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಶನಿವಾರ, ಆಗಸ್ಟ್ 10, 2013

ನಿಸ್ವಾರ್ಥಿ


********
ಆಶ್ರಮದಿ ಮುಪ್ಪ ಕಳೆವ
ಮಗನ ಶ್ರೇಯ ಬಯಸುತಿರುವ
ಹಾಲನ್ನಿತ್ತು ಪೊರೆದ ತಾಯಿ.

ಮಗನ ವಿದ್ಯೆ ವೃತ್ತಿಗೆಂದು
ಆಸ್ತಿ, ದುಡಿಮೆ ಒತ್ತೆ ಇಟ್ಟು
ಹಸಿದ ಹೊಟ್ಟೆ ನೀರ ಬಟ್ಟೆ
ದಿನವ ಕಂಡ ತೆಂದೆ ದೇವ.

ಜ್ಞಾನ-ವಿದ್ಯೆ ಪಂಥದಲ್ಲಿ
ಶಿಷ್ಯನೆದುರು ಸೊಲುಕ೦ಡು
ಸೋಲಿನಲ್ಲೂ ಗೆಲುವ ಕ೦ಡ
ಬ್ರಹ್ಮರೂಪಿ ಗುರುದೇವ

ಈ ಮೂರು ದೇವರೋಳು
 ಸ್ವಾರ್ಥದ್ವಿಷವು ಇರುತಿರೆ
ಕಾಣಲಿತ್ತೆ ಮಗನ ಯಶದ ಗರಿ?


  - ಸಂತೋಷ ನಾಯಕ್. ಎಸ್

ಶುಕ್ರವಾರ, ಆಗಸ್ಟ್ 2, 2013

*ಸಹನೆ*


********
ಆರ್ಭಟದ ಕಾರ್ಮೊಡವನು
ತಂಗಾಳಿಯು ನೀರಾಗಿಸುವಂತೆ
ಸಹನೆಯಿಂದಿರೆ,
ಕೊಲುವ ಕಷ್ಟವೂ ಕರಗುವುದು - ಸಣ್ಣಣ್ಣ

  - ಸಂತೋಷ ನಾಯಕ್. ಎಸ್

ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ಜೂನ್ 28, 2013

*ದಾರಿ*



ನಡೆದುಬಂದ ದಾರಿತು೦ಬ
ಹೂಮಳೆ ಸುರಿಯುತ್ತಿತ್ತೆ೦ದು
ಹಿಮ್ಮುಕ ನಡೆಯುವುಯುವರೆ?
ನಡೆಯಲಿರುವ ದಾರಿಮುಂದೆ
ಇರುವ ಕಲ್ಲ ಮುಳ್ಳ ರಾಶಿಗಂಜಿದೊಡೆ
ಗುರಿಯ ತಲುಪುವರೆ? - ಸಣ್ಣಣ್ಣ

- ಸಂತೋಷ ನಾಯಕ್. ಎಸ್


ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ಮೇ 24, 2013

*ಬರಡು*


ನೀತಿ ಇಲ್ಲದ ಮನ
ರೀತಿ ಇಲ್ಲದ ಜೀವನ
ನೀರಿಲ್ಲದೆ ಬರಡಾದ
ಶುಷ್ಕ ವನದಂತೆ – ಸಣ್ಣಣ್ಣ

- ಸಂತೋಷ ನಾಯಕ್. ಎಸ್


ಚಿತ್ರಮೂಲ: ಅಂತರ್ಜಾಲ

ಶುಕ್ರವಾರ, ಏಪ್ರಿಲ್ 26, 2013

*ಕವಿ ಸಮಯ*



************
ಮನದಿ ಮಿಂಚಿದ
ಕ್ಷಣದ ಮಿಲನಕೆ
ಭಾವಗರ್ಭದಿ
ಬೆಳೆದ ಭ್ರೂಣವು
ನವರಸಗಳ
ಶಬ್ದ ಪುಂಜದಿ
ಹೊರಬರುವ
ಮಧುರ ಕ್ಷಣ.   

- ಸಂತೋಷ ನಾಯಕ್. ಎಸ್

ಭಾನುವಾರ, ಏಪ್ರಿಲ್ 21, 2013

*ಕಣ್ಣ ನುಡಿ *




**********


ಬಲತ್ಕಾರದ
ನಗೆ ಸೂಸಿ
ಚಮತ್ಕಾರವೇಕೆ
ಗೆಳೆಯ?
ಚಲಿಪ ತುಟಿಗಳು
ನಿನ್ನ೦ಕೆಯಲಿಹುವು  
ಆದರೆ,
ನುಡಿವ ಕಣ್ಗಳು
ಹುಸಿಯಲಾರವು.

- ಸಂತೋಷ ನಾಯಕ್. ಎಸ್